Ma de edebiyat ki esto

Savaş Şêngul

Sarê ma mıletê dewo, feqıro. Axurre ra, gorre ra, hêga ra nêvejino. Mangu doseno, hêga çineno, bıjêku çırayneno. Vêsaniye, têsanıye zaneno. Edebiyat çıko, zaneno?

Name nêzanêno, nas nêkeno. Nafa lawıki, kılami, şüari xeylê nusnê, wendê.

Dewa ma de Xeycana Qerku biye, amıka khalıkê mı biye. Sari dae rê vatêne, “Na dina esta, a dina esta, Xeycana Qerku ki esta.”

Rozê jü qole yena ke dewe talan kero. Xeycane mal çıraynêne. Nisena ro kemere sere, saz dest de lawıke vana. Hini rındek vana ke, qole vıneta, ae gos dana. Dewe talan nêkenê, hini peyser sonê.

No ki edebiyatê qomê mao. Hometa ma nia zano.

Jü ki edebiyatê ke na dina nas keno. Mı çarna zonê ma ser. Sıma qail benê, nêbenê:

Heyat can be nêzanıteno, qısawıte niya.
M. Gandhi

Sa biyene heyato, ğerza di ra çino mordemi rê.

Aristoteles

Tu ke xo pers nêkena, canweşiye mebo.
Sokrates

Heyat emro derg niyo, emro xoriyo.
Ralph Waldo Emerson

Fam bıke, to heyat xo de se kerdo. Nafa meşte se kena, o muhimo.

Søren Kierkegaard

To ke raşt niya, xo be xo de raa raştiye nêbena.

Buddha

Heyat jü hewno kamıli rê, jü kao xêği rê, zele-mela pangeri rê, zorbajiya feqıri rê.
Shalom Aleixem

Heyat eke to fam kena. 

Cicéron

To fecir nêvinena, eke tari de nêmenda.
Xelil Cibran

Pers meke, na welat çı dano to, xo ra pers ke, ez çı welatê xo rê bıkeri.

John Fitzgerald Kennedy

Di-rê teni qesanê qomê xa ki vajime :

Ra u welaği ke koti kounê ma

Mektevi ke koti dewunê ma

Radon u teyipi ke koti çêunê ma

Mıleti wayiri ki  ho vira kerdi

Sairi ki ho vira kerdi

Sey Qaji

Heri gurinê, astori wenê

Pirıka mı Selviye

Dısmenê to ke estê ki, dısmenê xo mebe