MANAY WEŞİYE

MANAY WEŞİYE

Rocan ra yew roce yew merdum manay weşiye sero zaf sarey xo decneno...

Kamca şı, kam di, ey ra pers kerd, kami ke cewab da, ay ri hêç rınd nêame. "Nıka ra pey mı kam di, ez ay ra pers keno" va zerrey xo de. 

Şarıstan be şarıstan, dewe be dewe, keye be keye semendê persê xo geyra. Peyniya peyêne de hêviya xo bırrnae, "Enê koyê ke to ra aseni ya, uca de yew piro zanaye esto. Eke tı wazeni, şo uca, cewabo ke tı geyreni de (cı), beno ke cewabê ay persê to uca de bıbo" vano yew tene.

Beno raywan, kewno rayêr, zaf zor yew raywaney dıma reseno uca. Kêberê bani ra şono zerre. Zaneyey ra perseno, "manay weşiye çınaya" vano.

Piri "ez cewabê persi dano, hama gani tı verê coy ena imtıhan ra bıvêri" vano. Yew kuçıke, yew zi ronê zeytınan dano ay. "Şo, verê kêberi de yew dor berze u peyser bê. Hama diqet bıkerê, wa kuçıke de ron nêbo kemi. Eke yew dalpay zi rışiyae, tı keni vındi (benê meğlub)" vano. 

Çımê laceki kuçıke de beno, verê kêberi dor erzeno, peyser yeno. Zanaye ewniyeno:

"Eya, kuçıke de ron nêbiyo kemi, peki verê kêberi seni bı?" vano. Lacek şaş beno...

"Ez kuçıke ra teber nêewniyayo yewna çi ra" vano lacek.

"Reyna şo, kuçıke wa reyna destê to de bo, verê kêberi de seyr ke, rınd seyr bıkerê u peyser bêrê" vano pir. Lacek şono ewniyeno ay cayan ra, fekê ay akerde maneno, çımke uca hende ke rındo, kê vani cenet ra zi rınd[ek]o...

Lacek ke peyser yeno, pir ke pers kenoi "Ez rındekeya ucay ri fek akerde mendo" vano.

Zanaye bı rınemrek, "hama kuçıke de ron nêmendo" vano. U dewam keno:

"Tı seni ewniyay yew çi ra, o çi ehende mana gıno [gêno]. Tı teyna yew pencera ra bewni, weşiye şona, tı rındekiye nêveyneni. Ya zi to wertey çiyanê rından de cıwiyeni [weşiye rameni]; Cıwiye ki şona, mana qezenc kena..."

"Tı seni ewniyay, manay weşiye aya"