Pi be laci u heri ra

Pi be laci u heri ra

Germê peroci’o kelec de jü pi be lacê xo u herê xo ra pia soqağanê/kuçanê gımarınu de xorê fetelinê. Pi serê heri de nişto ro, lacek (laik) ki lewe de peya sono. Rae ra raştê jü mordemeki benê. No mordemek nine ra vano:

“No lace hêfo. Qorê xo kılmê, nêşkino zê heri herbi/çapık rae ra şêro. No senê piyo xorê heri sero nişto ro, lacê xo ki lewe de ebe lıngu sono, helak beno?”

Qesê mêrıki kuno sarê piyê laiki. No lacê xo cêno, nano ro heri. Nê taê (tenê) sonê, raştê jü mêrıkê (mormekê) bini benê. Mêrık vano:

“Hala qaytê nê laikê bêmıradi kerê! Xorê zê pasau heri sero nişto ro, piyê xu’yo feqir ki lewe de peyati sono.”

Na qesa laiki rê zaf zor yena ke piyê xo ra vano, “bao, tı bê, terkiyê mı de ronise.” Tenêna ke sonê, jü cênıka ke uca ra vêrena ra, ninu ke nia vênena, hêrs bena, qêrena, vana,

“Keşi caru çiyo henên diyo? Heywanê Heqi ra çı wazenê? Miyanê heri amo hard, piyo keftar be lacê qelpi ra tı vanê cazık (peki, meqat, diwan) sero niştê ro!”

O ra dıme pi be laci ra xorê fıreqet heri ra yenê war, cênê wertê xo, têlewe rae ra sonê. Di-rê deqey ra tepia jü yeno, kaê xo pi ninu keno:

“Mı isanê herê nianêni caru nêdiyê. Ero sıma çınay rê nê heri xo de fetelnenê, uyo ke ne karê keno, ne ki sıma ra ero cı nêniseno?”

Pi be laci bêveng u bevac qaytê jübini kenê, dıma pi lınganê heri’ê veri ra, lac ki lınganê pey ra pê cêno, kenê berz, ebe na qeyde hata peyniya rae heri nia benê.

Aísopi (Aisopos) rê kerda mal, hama yê ey niya

Dersa Zazaki de Almanki ra çarnais: Rojda Çelik, Marifet Kaya, Aysel Çelik, Brigitte Werner, Mesut Asmên Keskin

çımê resmu: 

https://www.powerpaare.net/2017/06/10/die-geschichte-von-esel-vater-und-sohn/

https://fablesofaesop.com/the-man-the-boy-and-the-donkey.html#google_vignette