LANAY MİXİ PİNE NÊBENA

LANAY MİXİ PİNE NÊBENA
pê zeka vıraştıkêne vıraziyao

Yew deme, yew lac u piyê xo teyna cıwiyeni, pi u lac inşat dı xebetyeni. Pi hostayê dêsio, lacı zi ardımkari piyê xuyo.

Teber ra yew kulfeto şabiyae aseno, hama pi zaf gerrey lacê xo keno. Lac her roc yew tenan dı dano pêro. Zerar dano dormarey xo. Pi zi zaf qehriyeno. 

Serri ser ra şuni, pi se keno, çı keno, lac nêbedelyeno (nêvuryeno). Yew roc pi tewrey mixan dano lacê xo. Lac kı mixan vineno, zaf şaş beno. Pi:

"Lacê m', mı yew tewrey mixan da to, 

Key kı to hembazanê xo dı da pêro, yew mix bıgere, bıde ena texta ro" vano.

Lac vatey piyê xo goşdareno. Roca verêne 37, roca dıyıne 25, roca hirıyıne 17 mixan dano texta ro. Roc be roc lac keno kemi, diyağê xo peymaweno. Yew roc ewniyeno [nidar keno] kı eke yew mixı zi ey nêdao texta ro. Xebera rınde piyê xo ra vano. Pi lacê xo beno verê texta, lacê xo ra:

"Ena rocı ra pey, key kı to nêda pêro, mixan texta ra vece" vano.

Lac key kı çewi (kesi) dı nêda pêro, yew mix texta ra kaş keno. Roci ser ra vêreni, peyniya peyêne dı ewniyeno kı eke texta sero mixi çınyi. Pi şono verê texta, lacê xo ra:

"Aferem to ri, to rınd diyağ kerd. To hembazanê xo dı zi rınd hembazey kerde, to çewi (kesi) dı nêda pêro. Hama rınd bewne ena texta ro. Sero zafi lani (quli) esti. 

Ena texta hêç (qet) nêbena sey veri" Vano pi...

Şıma kı mixi day texta ro, xo vira mekerên, lanay ay mixan pine nêbena.