Mihrimar: Aynê Hewzê Asmênê Khewey

Aynê Hewzê Asmênê Khewey

Varasonê dê paiji bi
To ke ez ca verdaune, şiya
Cor de jü astare ame war
Zerrê kafa mı de vejiya
Serva to ra ez tiji kenu phoşti
Reyna rewinê, omıdê newey
Tiji ke reyna vejiya

Pakaê rê sodıri de mı xo ğız kerd
Sekuyê ververê rae ra
Ez berdune fekê awe de naune ro
Va ke, bıxeneqiyo, sola
Ez merdene kenu têra
Hewnê çondae serre ra

Çımê mı raa to ra mendi
Bêçıkunê mı xısır gırê da
Destê xo mı çond rey gewexnay
Mı va, belkia bıznen ra
Çımê mı raa to ra mendi
Hata ke bêkeşiya to mı ro beli biya
Kam çı zoneno, bê to kerdi ra savaroz
Mı çond sewi

Nê, jê vırêni niyo, aynu de, suretê mı
Hêrdısa mı de biya derge, biya maina çondae serrun’a qırre
Çhemunê awa ceneti de şünu, na suretê xo
Eve honde gunu ra, xo ra ke
Ez ke vêrdune boverê pırdê muyini

Ez nêzonen ya ki tı jüri kena
Weşiya ke ma ramıta, jêdera, rında
Ya ki çiyo ke mı eve na çımu diyo
Bê, ez ve to ra cemre bime, taviyati reyna hesar kerime
Asme ke ont we, ont de, bıxeneqime
Astare u asme ke awe de bereqiyay, cınde bime

Helmêna düyê cığara ra çhılkiya zerria mı
Merdene, ça lewunê mı ro, honde biyaxkiya
Mı de qe nêmend, hama tı bızone ke
Estena zerria her çekuye, eve to yena ro

Dı cınşi ison, dı cıni, esq esto
Jü zerria to puf keno, jü zerre
Jêdêri ke çiyê ame ra ma viri
Heqi esq kerdo tomete, jêde haskerdena ma ver

Heqi tı fişta ra dina , hama kistoğê xo ra daêna jêde has kena
To rê ogıt fayde nêkeno, ez ke se vaji, tı oncia ki
Na haskerdene ra vaz nêbena
Mı honde ke zerrê xo de  xo do ra na pusıla xıravıne
Hama iyê sıma, sıma, mendo ro hewesê roz u cemi.

Esq ke bêpeyniyo; ma isoni?
Eke baqi nime, na dina de
Zoniyê ma ça na lhınci de
Kam ke yeno, sono, ça ver de yeme de
Esq ne nerio, ne mao; mezg çino, sıma sare de?

Eke perrê to ke çinê, na dina de ki nêbenê
Esq fekê xo ro mepulesne
Ez zerrehaştiya xo ra vêrdune
Zerria xo mı hona kerda mordeme
Reyna nêben, nêfin zerria xo, serra hurendia parêne

Gos de, xorê
afetêna, owo ke to ra vano 'tı', heni ver keno cı,
Bê to biyaene wertê dı çekuyunê rındeku de vengdaiso
Tı tania asma, mı kerda batanya, pulosna roê xo ro

Bırriye kerdene, musaiso, mı het de
To merdene ro mı salıx da
O waxt
Lınga tıfongi tı mı de bonce
Axıri ez ve to ra dı soê dê restayme
Eke qeveliyayme, gınayme waro
Hal ve hal ke jü ca de yeme têlewe

Aynê hewzê asmênê khewey
Ez itha ra seder nêken, asme uza senêna
Saiya to ra verva hengelunê xo son
Tı çogana destê mı na..

Aynê hewzê asmênê khewey
Ez itha ra seder nêken, asme uza senêna
Saiya to ra verva hengelunê xo son
Tı çogana destê mına..

Aynê hewzê asmênê khewey
Ez itha ra seder nêken, asme uza senêna
Saiya to ra verva hengelunê xo son
Tı çogana destê mına..

Çarnaisê çekuyunê kılamu: Veli Kişioğlu

Vatoğê lawıke: Mihrimar