Bıngey Nımaci Sero

Sanksristki de namaskar seba sılamkerdışi vaciyeno, namaste zi seba sılam dayêne vaciyeno, etiya de:

Namas sebay sılami, te zi etiya de herunda to de veciyeno manay namastey "mı sılam day to, mı to rê vılê xo kerd çewt" vaciyeno. Şarê ma elewiyan de waxtê kele bırnenê hurdi hemıne zi vılê xo kenê çewt kuftanê zobinan ra paç/muç kenê.

Ena çeku avestki de namah, farski de namaz, partki de namac vêreno ra. Kurdki de nımêj, şarê ma zazayan miyan de zi nımac vaciyeno. Manay chandra namaskari zi selam dayêne aşmiyo, namey yogayo.

Zazayan mırdêsi miyan de roc ke sılam day, ey waxti ra vanê nımac. 

Yanê şewdıri (şewra, sodır, sersıba) ra vanê nımac.

Eke şewe yew teney pers kerd: 

-Tı key yenê? Vano:

-Ez nımac rew yenu. Manay nımaci etiya de roc ke veciya mı key sılam day roci ez o waxt yenu. Manay nımaci etiya de sılam dayışi rociyo. Zerdestan de nımacê şewdıri zaf muhimo, çımke 'be roci roce sıfte kena. Roşti dano her cayan, dar u bırr abenê teyr u tür halinê xo veciyenê teber.

Baweriya zerdestanan de zi roc muhimo, Zerrey yew roce 5 rey nımac kerdêne

1. Nımacê Hawaani: Roc key veciya isan seba ey sılam dayêne.

2. Nımacê Rapithwani: Key ke ameyêne sarey isani ser reyna sılam dayêne, secde kerdêne, 

3. Nımacê Uzireni: Yare de (av. eyare) çıqaşi ke nêşı bı awan sılam dayêne.

4. Nımacê Aiwisuthremi: Key ke roc şı awan reyna zerdestan secde kerdêne roci rê. 

5.Nımacê Ushaeni: En peyên de zi seba ke roci tinca xo day bi aşme seba ey secde kerdêne.

Çımey: 1.Cahit Can, Avesta, Hukuk, Zerdüşt (s.278) 2. Namaz ibadetinin tarihi Süreci. Yrd.Dç.Dor. Ali Yüksek s113. 3.https://vajabaz.wordpress.com/2019/10/10/%D9%86%D9%85%D8%A7%D8%B2-namaz/?fbclid=IwAR0roU_djkR5sGG1yXdGITa5xsDYGwKy94NY0R9nWxPXSpr1Ok6LZeWUZa0 

4. https://kavrammutfagi.com/kavram/namaz--namaste#:~:text=Namaz%20vakitleri%20de%20%C4%B0slam%20dinindekilere,%C3%B6%C4%9Flen%20ve%20ak%C5%9Fam%20vakitlerinde%20k%C4%B1l%C4%B1nmaktad%C4%B1r.

5. https://www.tummee.com/tr/yoga-poses/moon-salutation