Aştiye zerrê to dera
Mirzali
Ezo nêçar dınya de niya danan.
Tawo ke nêmê merdımi be vêşaniye ra, nêmê bini ki be qelewbiyayena ra mıcadele kenê.
Ya ki tawo ke nêmê inan nêşikinê hewcedariya xoya bıngeyıne peyda kerê, nêmê bini ki cat kenê ke thaliya zerrê xo be pere, çi, hêrnayene û zê nayine ra pır kerê.
Dıme ra, zê kesê do asani, ez internet de qayt benan.
Facebook de; yê bini koti derê?
Instagram de; yê bini se kenê?
TikTok de; yê bini çıturi asenê?
Twitter de; yê bini çı fıkırinê?
Catkerdena cuyena bınê siya kesanê binan de weşaynayena roştia xo ra vêşi çiyo de bin niyo.
Ma yê binan de çı esto, be xatırê Heqi?
Vêşêriya merdımanê dewlemendan nêşikinê ke dı alıncan be serûber ra bıwanê, ya ki bınusê.
Ya ki nokerê şekerê toziyê.
Tawo ke namdaran vacê, vêşêriya dinan xokıştene rê meylınê.
Heto bin ra roştiberi heni pırnıkberzê ke qender be ciyê xo de lec kenê.
Naye ra, serba mı, nıka tenya çapanê serkewtene esto: Ma tı aştiye dera, ya ki nê?
Û wicdanê to pako?
Eke cewabê to "heya"wo, pêbawer bıbe, her keso ke tı cıra çımdariye kena, tı dinan ra xeylê halo rınd dera.
Roca ke tı mısa, bê çımanê kesanê binan sera seyr kerê, tı be raşti azada.
