Herkul be Maa Moru

Saê Moru ma nas keme. Dewe de, çê ma de, çê ciranu de dês ser fiştêne ra. Verva adır sanıke ma rê wendêne. Mı se ke Herodot wend, sas biyane, mendane. Herodoto Yunan 484 İsay ra ravê amo dina, Bodrum de (Nameo khan Halicarnasse), 425 İrR Yunanıstan de şiyo heqiya xo.

Herodot Maa Moru ki nas kerdêne. Mı vat, sanıka Herodoti sıma rê hitha bımusnine. Jacques Lacarrièrey çarno Fransızki, mı ki çarna Zonê Ma.

600 serre İsay ra ravê Asuru en sıfte ine qalê İskitu kerdo. Herodoti dinu ser xeylê nusno. Vato ke, “namê pasaê İskitu Targitaos biyo, hirê laze xo biyê: Lipoksais, Arpoksais be Coloksais. No qesê İskitano.

Yunanu “Deryao Şia” nêvatenê. İne vato ke, rozê Herkul (Herkules) maina xo berda, fetelna. Pesewa, biyo serd, hewnê xo amo. Postıkê şêri (aslan) di de beno, ortê di de kuto ra. Sodır usto ra ke maina di biya vindi. Kuto ra dıme. Zaf feteliyo, amo hata Xoriyê Diyaru, namê diyario. Uza de jü mığara biya. Ortê mığara de çiyo de tamase biyo. Jü het cênıka, jü het moro. Herkul sas mendo, heni vıneto. Dae ra pers keno:

“Tu maina mı diye?” Maa Moru vana:

“Maina tu mı diye, mı dera. To ke mı de kuna ra, ez peyser don tu.”

Herkul xo be xo de vano, ‘qebul keri”, heni hervina sono diyar ra. Xeylê waxt pia manenê. Maa Moru kena derg ke Herkul rew meşêro. A çêfliya. Nêwazena ke şêro.

Herkul bêzar beno. Wazeno ke şêro. Maa Moru vana:

“Mı maina to gurete, to ki ez sa kerdane. Ewro mı hirê lazê to ardi riyê dina. Nıka to sona, mı ra vaze, ez ni domananê to se bıkeri  eke biy pili? Na welatê mı de vınderê ya ki to rê burusni?” Herkul vano:

“Domanê tu ke bi ciamordi, na vatena mı bıke, qe poseman nêbena,” vati be Herkuli, “bêters textê xo bıdê i lazê to ke tirkeman bêzar kerd, tiriye este, jü ki na qaisê mı jê mı gırê da. İ binu mı rê peyser bırusne.”

Domani pede pede biy pili, ma namê hirêmine kerd tıra: Agathürse, Gelon be Sküthes (Scythes). Domani bi ciamordi, maa Moru vatena Herkuli ra nêqrufiya. Tirkeman da be domanu. Jü Sküthesi bêzar kerd, i bini peyser şiy lewê pi. Ewro name i diyari biyo Sküthes (Scythes), sarê uzay be az - uzê di ki jê di qais gırê danê.

Edition Pluriel, Jacques Lacarrière, En cheminant avec Hérodote, P. 216 - 217